ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

កម្ពុជាប្រារព្វទិវាសិទ្ធិមនុស្ស១០ធ្នូក្រោមប្រធានបទ «រួមគ្នាលើកស្ទួយសិទ្ធិមនុស្សក្រោមបរិបទកូវីដ-១៩»

  • ចុះផ្សាយថ្ងៃទី០៩ ខែធ្នូ ឆ្នាំ២០២១ ម៉ោង ១៥:៣៥ នាទី ដោយ Hun Sirivadh
  • 2799
  Aa |   aA

ភ្នំពេញ៖ ប្រធានគណៈកម្មាធិការសិទ្ធិមនុស្សកម្ពុជាលោក កែវ រ៉េមី បានឱ្យដឹងថាគណៈកម្មាធិការសិទ្ធិមនុស្សកម្ពុជានឹងប្រារព្ធទិវាសិទ្ធិមនុស្សអន្តរជាតិ១០ធ្នូ ក្រោមប្រធានបទ «រួមគ្នាលើកស្ទួយសិទ្ធិមនុស្សក្រោមបរិបទកូវីដ-១៩» ដែលនឹងប្រារព្ធទៅនៅក្នុងខេត្តកំពង់ចាមនាថ្ងៃសុក្រស្អែកនេះ។

លោក កែវ រ៉េមី បានប្រាប់ EAC News ថាការជ្រើសរើសប្រធានបទដោយសារពិភពលោកស្ថិតក្រោមការគំរាមកំហែងពីបញ្ហានៃជំងឺកូវីដ-១៩ ដែលប៉ះពាល់ដល់សិទ្ធិជាមូលដ្ឋានរបស់មនុស្សជាច្រើនជាពិសេសគឺសិទ្ធិរស់រានមានជីវិតតែម្ដង។ លោកបញ្ជាក់ថា ការជ្រើសរើសប្រារព្ធនៅខេត្តកំពង់ចាមគឺដោយសារស្របពេលដែលគណៈកម្មាធិការរៀបចំសិក្ខាសាលាផ្សព្វផ្សាយរបាយការណ៍ពាក់កណ្ដាលអាណត្តិ UPR នៅ ក្នុងខេត្តនោះ។

លោកថា៖ «យើងក៏មានការចូលរួមជាមួយ OHCHR ដែលគាត់បានអញ្ជើញតែខ្ញុំអត់បានចូលរួមមានតែផ្ញើជាសំឡេងជាមួយEUគាត់រួមគ្នាជាមួយបារាំងហើយក៏មានOHCHRពីខាងហ្ស៊ឺណែវនិងបណ្ដាប្រទេសផ្សេងៗទៀតដូចជាស៊ុយអែតគេនាំគ្នាធ្វើនៅ អាឡឺយ៉ង។ យើងក៏មានបិទបដាផ្សព្វផ្សាយផងដែរទាក់ទងនឹងការអបអរសាទរទិវាសិទ្ធិមនុស្ស១០ធ្នូ» ។

លោកបន្ថែមថាក្រោមការដឹកនាំរបស់រាជរដ្ឋាភិបាលកម្ពុជា បានលើកស្ទួយនូវសិទ្ធិមនុស្សបានយ៉ាងប្រសើរក្នុងអំឡុងពេលនៃការផ្ទុះឡើងនៃជំងឺកូវីដ-១៩ ដែលនាំឱ្យកម្ពុជាអាចបើកនូវសង្គមសេដ្ឋកិច្ចឡើងវិញដែលធ្វើឱ្យសិទ្ធិនៃការរស់រានមានជីវិត សិទ្ធិទទួលបានការអប់រំ សិទ្ធិទទួលបានការងារ និងសិទ្ធិសេដ្ឋកិច្ចបានត្រលប់មកវិញដល់ពលរដ្ឋកម្ពុជា។

មហាសន្និបាតអង្គការសហប្រជាជាតិកាលពីថ្ងៃទី១០ ខែធ្នូ ឆ្នាំ១៩៤៨ បានប្រកាសជាសកលដំបូងនៃសិទ្ធិមនុស្ស និងជាសមិទ្ធិផលដ៏សំខាន់ដំបូងបង្អស់របស់អង្គការសហប្រជាជាតិបន្ទាប់ពីបង្កើតឡើងនៅឆ្នាំ១៩៤៥។

សិទ្ធិមនុស្សគឺជាសិទ្ធិដែលមនុស្សត្រូវមានវាជាសិទ្ធិសកល និងចំពោះមនុស្សគ្រប់រូបដោយមិនគិតពីសញ្ជាតិ ភេទ ព័ណ៌សម្បុរ សាសនា ឬស្ថានភាពណាមួយនោះទេ។ សិទ្ធិសំខាន់ៗនៃសិទ្ធិមនុស្សរួមមាន សិទ្ធិរស់រានមានជិវិត សិទ្ធិទទួលបានអាហាររូបត្ថម្ភ សិទ្ធិទទួលបានការអប់រំ សិទ្ធិទទួលបានការងារធ្វើ សិទ្ធិក្នុងការតំហែទាំសុខភាព និងសិទ្ធិសេរីភាព៕

ព័ត៌មានជាច្រើនទៀតសម្រាប់អ្នក